ఎన్నో పార్టీ ల వాళ్ళు మన ముంగిటికి వస్తారు ---రానివ్వండి
అబ్బీ అక్కా చెల్లీ తమ్ముడూ అని పలకరిస్తారు ------- పలకరించ నివ్వండి
ఎక్కడ లేని ప్రేమ ఒలకబోస్తారు ----ఒలకబోయనివ్వండి
మాయమాటలు కబుర్లు చెబుతారు --- చెప్పనివ్వండి
మాకే ఓటు వెయ్యండని అడుగుతారు --------- అడగనివ్వండి
అవినీతి సొమ్ము పంచడానికి బయటకు తీస్తారు--- తీయనివ్వండి
ఓటుకు నోటు చీర జాకెట్ ఇస్తామంటారు -- ఇవ్వ నీయండి
ఇవన్నీ తీసుకొని మాకే మీ వోటని ఒట్టేయించు కుంటారు ---- వేయించుకొనివ్వండి
అందంతా ఇండైరక్టుగా ప్రజల సొమ్మే కాబట్టి నిర్మొహమాటంగా తీసుకోండి
వోటింగ్ రోజు పోలింగ్ బూతు కు వెళ్ళండి
వోటేసేముందు ఒక్కసారి ప్రలోభాలన్ని పక్కన పెట్టండి
అమాయకంగా నమ్మి దెబ్బతినే సులభ శలభాల వలె ఉండకుండా
ఐదేళ్ళు ఎవరికి వోటేస్తే ప్రజలు బాగుపడతారో హృదయం తో ఆలోచించండి
వారి గుర్తుకే ఓటు వెయ్యండి
ప్రజలు తెలువి తక్కువ వాళ్ళు కాదు ఆలోచనా పరులు అని రుజువు చెయ్యండి
ఓటు ను నోటు తో కొనాలనుకొనే జిత్తులమారులకు బుద్ది చెప్పండి
ప్రజాస్వామ్యం నుదిటి మీద సిరా గుర్తై మెరవండి
