పులిరాజాకు ఎయిడ్స్ వస్తుందా

పులిరాజాకు ఎయిడ్స్ వస్తుందా

ఎయిడ్స్ సంగతేమో గాని

ఇలాంటి

రుజాగ్రస్త వ్యవస్థ ఉన్నంత కాలం

పనికి మాలిన ఏలికలు ఉన్నంత కాలం

అజాగల స్తనాల్లాంటి ధర్మాసుపత్రులు ఉన్నంత వరకు

ప్రజారోగ్యం పారిశుద్ద్యం పట్ల నిర్లక్ష్యం ఉన్నంత వరకు

కుంభ కోణాల మీద మోజే తప్ప మానవీయ కోణం లేని

పరిపాలికలు నాయకులు ఉన్నంత కాలం

ఒక గున్యా

ఒక swine ఫ్లూ

ఒక డెంగూ

ఒక మెదడు వాపు

ఒకటేమిటి

అన్నీ వస్తాయి

అంతా మట్టే అని తెలుసు

అదీ ఒక మాయే అని తెలుసు

తెలెసీ తెలిసీ ఓటు వేసి గెలిపించుటలో

దగా దనం అందరికీ తెలుసు

జనం గతి ఇంతే  

జగతి గతి ఇంతే ఏ ఏ

బ్రతికున్న మనిషికి సుఖము లేదంతే